Расказвае Уладзімір Каралёў.
Галоўнай задачай для арганізатараў дзіцячага песеннага конкурсу - зрабіць вялікае свята для самых юных удзельнікаў і наведвальнікаў. Таму адзін з найважнейшых крытэрыяў - бяспеку - вырашылі максімальна замаскіраваць. Галоўнымі, хто будзе адказваць за правапарадак, стануць камеры відэаназірання.
Беларусь выконвае ўсе нормы бяспекі, звязаныя з правядзеннем конкурсу дзіцячае "Еўрабачанне", але робіць гэта не дэманстратыўна. Беспрэцэдэнтныя меры не павінны асацыявацца з дыскамфортам. Ужо некалькі дзён "Мінск-Арэна" працуе пад узмоцненай аховай міліцыі, медыкаў і ратавальнікаў. Кожную дэлегацыю з аэрапорта ў Мінск суправаджае экіпаж ДАІ. Гасцініцы, куды засяляюць удзельнікаў, таксама пад пільным назіраннем спецыяльных служб. За ўсю гісторыю дзіцячага "Еўрабачання" сур'ёзных інцыдэнтаў не было, аднак дадатковыя меры бяспекі павінны быць не толькі ў момант правядзення конкурсу. Яшчэ да пачатку мерапрыемстваў арганізатары прадугледзелі памяткі для дзяцей і дарослых у выпадку нестандартных сітуацый як на сцэне, так і за яе межамі.
Віялета Сакаловіч, менеджар па бяспецы дзіцячага конкурсу песні "Еўрабачанне-2018": "Усе матэрыялы, з якіх зробленая наша ўніверсальная зала, выкананыя з высакаякаснага бяспечнага матэрыялу - пакрыццё, банары. Мы распрацавалі невялікія памяткі для дзяцей. Пастараліся растлумачыць гэта каротка на рускай і на англійскай мовах".
Яшчэ да пачатку рэпетыцый МНС праверыла сістэму бяспекі "Мінск-Арэны". На гэтым тыдні таксама прайшло навучанне валанцёраў у выпадку ўзнікнення няштатных сітуацый. Усяго ў дні правядзення мерапрыемстваў тут будуць задзейнічаныя каля ста ратавальнікаў і курсантаў. Падчас выступлення ўдзельнікаў дзяжурства нясуць 7 брыгад хуткай дапамогі, 3 здраўпункты і ўрач-фаніятр.
Віялета Сакаловіч, менеджар па бяспецы дзіцячага конкурсу песні "Еўрабачанне-2018": "Кожны дзень за 2 гадзіны да рэпетыцый "Мінск-Арэну" абследуе сапёрна-піратэхнічная група. Гэта не першае маштабнае мерапрыемства, якое праходзіць у нас у краіне. Не першае мерапрыемства, якое праводзіць Белтэлерадыёкампанія. А ўсе ведамствы аказалі максімальную дапамогу, без праблем адгукаліся на нашы просьбы".
Міліцыя і служба бяспекі "Мінск-Арэны", медыкі і ратавальнікі традыцыйна будуць на сваім пасту 24 і 25 лістапада. Частка супрацоўнікаў зменяць спецформу на грамадзянскую. Традыцыйна для такога мерапрыемства будзе працаваць сістэма дагляду. Арганізатары ўпэўніваюць, што падобныя меры гарантуюць бяспеку конкурсу на максімальным узроўні.
