Яны толькі вучацца майстэрству журналістыкі. У студыі Першага канала Беларускага радыё прэзентавалі конкурс Юныя журналісты Беларусі і Расіі. Ідэйнымі натхніцелямі праекта сталі Беларускі саюз журналістаў і рэдакцыя адной з самых папулярных маладзёжных газет краіны.
Каб стаць удзельнікам конкурсу, пачынаючым акулам пяра трэба было проста напісаць ліст. Той, хто здолеў зрабіць, здавалася б, банальнае пасланне крэатыўным, і атрымаў галоўныя прызы. З паўтары тысячы прац журы выбрала ўсяго толькі 12.
А вось прызы, якія атрымалі, тыя, каго журы жартаўліва называе яшчэ толькі маляўкамі пяра, зусім недзіцячыя - у пераможцаў зараз у распараджэнні спецыяльныя гаджэты, з функцыяй тры ў адным: фота, відэа і дыктафон.