Згодна з ацэнкамі спецыялістаў, самая складаная сітуацыя - на таджыкска-афганскім участку, куды апошнім часам прыбылі каля 8 тысяч баевікоў з Сірыі, Ірака і іншых гарачых пунктаў. Што датычыцца беларускай мяжы, то летась было выяўлена 28 асоб, якія мелі дачыненне да незаконных узброеных фарміраванняў. Сёлета іх 20. Зрэшты, адзначаецца, што дзякуючы сумесным намаганням наладжана надзейная сістэма бяспекі на знешніх межах Саюзнай дзяржавы.
Аляксандр Манілаў, намеснік старшыні Савета камандуючых пагранвойскамі СНД - старшыня каардынацыйнай службы: "Савет камандуючых надаў вялікую ўвагу вынікам дзейнасці за 2019 год, у прыватнасці, гэта правядзенне спецыяльных пагранічных аперацый, якія былі праведзены на заходнім кірунку і цэнтральна-азіяцкім кірунку. Па выніках гэтых аперацый затрыманы дзясяткі парушальнікаў дзяржмяжы, пагранрэжыму, наркотыкі, што сведчыць аб неабходнасці правядзення гэтых аперацый у далейшым".
