Новая паслуга даступная пры Мінскім гарадскім цэнтры сацыяльнага абслугоўвання сям'і і дзяцей. У спецыяльным памяшканні створаны ўмовы для часовага знаходжання дзяцей з абмежаванымі магчымасцямі - на працягу дня з імі будуць працаваць педагогі-дэфектолагі, псіхолагі, рэабілітолагі. Паралельна псіхалагічную і кансультацыйную дапамогу будуць аказваць бацькам, якія выхоўваюць асаблівых дзяцей.
У гарадскім цэнтры сям'і і дзяцей працуюць таксама школа будучай мамы, група псіхалагічнай падтрымкі жанчын у складаных жыццёвых сітуацыях, праводзяцца арт-тэрапеўтычныя заняткі для дзяцей і кансультаванне для моладзі. Заняткі ў цэнтры бясплатныя.
