У Мінску пачаўся разгляд справы аб махлярстве ў ігральных установах

Суд Фрунзенскага раёна Мінска пачаў разглядаць справу аб махлярстве ў ігральных установах. З канца 2016 падсудныя падкуплялі ахоўнікаў або адміністратараў залаў з гульнявымі аўтаматамі, якія за ўзнагароду ўкаранялі чып са шкоднай праграмай. Пасля да гэтага аўтамата падыходзіў свой гулец і зрываў куш. Паводле звестак, агульная сума выкрадзенага можа перавышаць 100 тысяч долараў.