У Мінску пачалі падрыхтоўку тэрыторыі для Нацыянальнага футбольнага стадыёна і самага буйнога ў краіне басейна

8 Чэрвеня 2018

У Мінску пачалі падрыхтоўку тэрыторыі для Нацыянальнага футбольнага стадыёна і самага буйнога ў краіне басейна, дзе можна будзе прымаць галоўныя міжнародныя спаборніцтвы.

Указ падпісаў Прэзідэнт Аляксандр Лукашэнка. Стадыён з'явіцца ў раёне вуліцы Ванеева побач з арэнай "Трактар", на Кальварыйскай будзе цэнтр плавання. Нагадаем, раней паведамлялася, што абодва гэтыя аб'екты будуць пабудаваныя на грошы кітайскіх інвестараў.

Пакуль жа для футбольнай зборнай Беларусі асноўным хатнім стадыёнам з'яўляецца "Барысаў-Арэна".