У Мінску на стажыроўку прыехалі паўсотні студэнтаў з Індыі

2 Лютага 2018

Навучэнцы бізнес-школы і тэхналагічнага ўніверсітэта з усходніх рэгіёнаў азіяцкай краіны вывучаюць менеджмент, бізнес-адміністраванне і кіраванне персаналам. Праграму для гасцей склаў Рэспубліканскі інстытут прафесійнай адукацыі.

Рыні Сундар, студэнтка бізнес-школы (Індыя): "Гэта цудоўна! Я шчаслівая, што знаходжуся тут. Мы атрымліваем новыя веды па сваіх спецыянальнасцях. Акрамя таго, знаёмімся з беларускай культурай і вашымі традыцыямі. Безумоўна, гэта непаўторны вопыт".

Перыяд навучання будзе доўжыцца ад трох да дзесяці тыдняў. Акрамя лекцый і майстар-класаў, у індыйскіх студэнтаў будзе магчымасць наведаць беларускія прадпрыемствы.