Дакладная колькасць зваротаў у страхавыя кампаніі пакуль не вядомая, заявы прымаюць на працягу пяці дзён. Зараз па колькасці падобных зваротаў лідзіруюць Мінск і Дзяржынск, офісы шматлікіх кампаній працуюць ва ўзмоцненым рэжыме. У асноўным грамадзяне звяртаюцца па кампенсацыю шкоды, якая была нанесеная стыхіяй іх маёмасці - машынам, дамам і кватэрам. На жаль, ёсць выпадкі, калі аўтамабілі аднаўленню не падлягаюць. Станоўчым рашэнне аб пакрыцці кампенсацыі будзе не для ўсіх.
Ірына Мерзлякова, гендырэктар Беларускай асацыяцыі страхоўшчыкаў:
"Гэтыя выпадкі трапляюць пад страхаванне "Каска". Трэба разумець, што той поліс, які абавязковы на машыну, у дадзеным выпадку не працуе. Калі чалавек сам застрахаваў сваю машыну па добраахвотным страхаванні, ён атрымае кампенсацыю".
Дакладная статыстыка па зваротах будзе вядомая пасля выхадных. Эксперты выязджаюць на месца здарэння, пасля чаго і прымаецца рашэнне аб кампенсацыіі. На працягу месяца страхавыя кампаніі абяцаюць пакрыць шкоду.
