Кіраўнікі дзяржорганаў правядуць у верасні прамыя тэлефонныя лініі. Так, заўтра на сувязь з насельніцтвам выйдуць Міністр інфармацыі Аляксандр Карлюкевіч, Міністр культуры Юрый Бондар, Міністр сувязі і інфарматызацыі Канстанцін Шульган, Міністр энергетыкі Віктар Каранкевіч, Міністр юстыцыі Алег Сліжэўскі, а таксама Старшыня Дзяржаўнага ваенна-прамысловага камітэта Раман Галоўчанка, Старшыня Дзяржаўнага камітэта па маёмасці Андрэй Гаеў, Старшыня Дзяржаўнага камітэта па навуцы і тэхналогіях Аляксандр Шумілін і Старшыня Дзяржаўнага пагранічнага камітэта Анатоль Лапо.
Таксама ў суботу па традыцыі праблемныя пытанні беларусаў будуць вырашаць і намеснікі старшынь абласных, гарадскіх і раённых выканкамаў, а таксама старшыні Саветаў дэпутатаў. У сталічнай мэрыі на пытанні адкажа намеснік старшыні Аляксандр Крапак, а ў Мінаблвыканкаме - кіраўнік спраў Уладзімір Гурыновіч. Нагадаем, званкі будуць прымаць з 9 раніцы і да апоўдня.
