У Мінск вярнуўся агітпоезд "Кветкі Вялікай Перамогі"

5 Мая 2015

Вагон - музей праекта Саюза моладзі і Беларускай чыгункі ўбачылі паўмільёна беларусаў. Сустрэлі састаў па традыцыі юнакі і дзяўчаты, ветэраны, а таксама кіраўнікі і прадстаўнікі міністэрстваў і ведамстваў. І на платформе, таксама па традыцыі, разгарнуўся сапраўдны тэатралізаваны паказ. Прысутныя акунуліся ў атмасферу вакзала пераможнага мая 45-га.

А ўжо пасля на плошчы Перамогі чарговы прыпынак зрабілі некалькі аўтамабіляў маркі "Перамога". Да праекта далучыўся аўтапрабег. Яго ўдзельнікі з амаль 10 краін разам з Саюзам моладзі ўсклалі кветкі да манумента ў памяць пра тых, дзякуючы каму мы, беларусы, мірна жывем 70 гадоў.