Паведамленне з QR-кодам. Ужо ў чэрвені беларусы змогуць аплаціць камунальныя паслугі з дапамогай сістэмы хуткага распазнання.
Каб скарыстацца сэрвісам, абанентам неабходна зайсці ў мабільнае банкаўскае прыкладанне, паднесці камеру тэлефона да QR-коду. Счытванне і расшыфроўка адбудуцца аўтаматычна. Пасля гэтага на экране тэлефона з'явіцца асабовы рахунак, палі для ўвядзення паказанняў прыбораў уліку вады. Згодна з указаннямі, застанецца націснуць на віртуальную клавішу "аплаціць", і плацеж будзе здзейснены. Новыя магчымасці спросцяць і паскораць працэс пошуку, апрацоўкі і аплаты ЖКУ.
