Наша здымачная група была адзінай, каму атрымалася пабываць на гэтым закрытым мерапрыемстве.
Уладзімір Каралёў - падрабязней.
Тры раўнды па дзве хвіліны разлютаваных баёў. Пераможца не атрымае шматмільённых кантрактаў, аднак напружанне тут не ніжэй, чым на міжнародных турнірах.
4 фіналы ў розных вагавых катэгорыях. За 6 хвілін бою жорскі прэсінг знясільвае ўжо з першых удараў. Кіраўніцтва калоніі не ўтойвае, што такое мерапрыемства - не толькі пытанне прэстыжу спецустановы, але і нядрэнны стымул да перавыхавання асуджаных.
Тут адбываюць пакаранне дзве тысячы зняволеных, якія ўпершыню пераступілі закон. Хабары, махлярства, забойствы - вось далёка не поўны спіс злачынстваў. Зрэшты, у федэрацыі бокса ўпэўненыя, што такія турніры збліжаюць як удзельнікаў, так і балельшчыкаў.
Праца - рамонт электрасетак, новае хобі - бокс. Дзмітрый Чарняўскі - пераможца ў сваёй вагавай катэгорыі. Мужчына адбывае пакаранне за забойства з асобай жорсткасцю ўжо 13 гадоў, але прызнаецца, што такога ладу жыцця на грамадзянцы ў яго не было. На жаль.
Турнір па боксе стаў ужо добрай традыцыяй у ПК №2. Праз некалькі месяцаў зняволеныя пачынаюць рыхтавацца тут да чэмпіянату калоніі па хакеі. Ужо ўзімку яны будуць змагацца на лядовай арэне.