У інтэрнэце з'явіліся навіны пра нібыта забастоўкі на прадпрыемствах

Не толькі вуліцу спрабуюць раскалыхаць кіраўнікі і каардынатары беспарадкаў, пад удар спрабуюць паставіць і працу прадпрыемстваў. Так у інтэрнэце з'явіліся навіны пра нібыта прыпыненне і забастоўку на некаторых з іх. Такія факты не пацвярджаюцца. За забастоўкі выдаюцца сустрэчы кіраўніцтва прадпрыемстваў і арганізацый з калектывамі, не грэбуюць правакатары і адкрытымі пастаноўкамі.

Да прыкладу, сёння такая інфармацыя распаўсюджвалася адносна Мінскага маргарынавага завода. У Тэлеграм-канале з'явіліся фота і відэа, дзе супрацоўнікі нібыта пакідаюць свае рабочыя месцы. Вось гэтыя кадры. Наша здымачная група выехала на прадпрыемства, каб убачыць усю карціну на свае вочы: ці быў гэта інфармацыйны ўкід або рэальная сітуацыя. Вось тое, што зняла наша камера. Канвееры, якія працуюць, усе супрацоўнікі на сваіх месцах. Становішча спакойнае, а людзі, якія на фота, - увогуле не працуюць на прадпрыемстве. Нашы карэспандэнты пагаварылі з кіраўніцтвам і рабочымі.

А гэта Мінскі электратэхнічны завод імя Казлова. Тут таксама ўсе знаходзяцца на сваіх рабочых месцах.  Абсталяванне не спынена, ніякіх пазапланавых мерапрыемстваў няма. У калектыве завода больш чым 600 чалавек. Тут гавораць, скласці рукі, байкатаваць працу або ўчыніць забастоўку - гэта безадказны крок не толькі ў дачыненні да сваіх сем'яў, але і да краіны ў цэлым. 

Сёння ўсе прадпрыемствы Беларусі пераадольваюць наступствы сусветнага крызісу, звязанага з пандэміяй і закрытамі межамі. І зараз спрабуюць нагнаць і аб'ёмы вытворчасці, і экспартныя пастаўкі. Страчваць час і спыняць станкі - гэта значыць страчваць свае зарплаты, а гэта нявыгадна нікому. Тым больш што ёсць заказы на беларускую тэхніку. Напрыклад, на МАЗе сёння працуюць у тры змены. 

Тут упэўненыя:  дэстабілізацыя сітуацыі і заклік да забастовак сапраўды нявыгадны самім працаўнікам прадпрыемстваў. 

З заклікам да ўсіх прамысловых прадпрыемстваў краіны сёння звярнуўся калектыў БелАЗа. Вытворчасці не павінны стаць разменнай манетай у нечых руках, а людзі - ахвярамі маніпулятараў, гаворыцца ў звароце.