Па даўняй традыцыі напярэдадні Раства святое полымя разыходзіцца па царкоўных прыходах усяго свету.
У Беларусь лампаду з Віфлеема перадалі на польскай мяжы. У гродзенскім касцёле агонь будзе знаходзіцца да 6 студзеня. Увесь гэты час запаліць Віфлеемскую свечку можа кожны незалежна ад канфесіі.
У Беларусь агонь з Віфлеема прыбывае ўжо 17-ы раз. Самой традыцыі - 30 гадоў. Пры гэтым маршрут Віфлеемскага святла пастаянны.
З Аўстрыі агонь перадаюць у Германію, Славакію, затым у Польшчу, Беларусь, Украіну, Расію. І нават з кантынента на кантынент.