З нагоды Дня яднання Беларусі і Расіі ў Дзярждуме адкрылася выстава "Моладзь Саюзнай дзяржавы". Усе экспанаты - аўтарскія работы маладых мастакоў дзвюх краін. Натуральная льняная тканіна, ручное вышыванне, разьбярства па дрэве, вырабы з паўкаштоўных камянёў: мэта выставы - захаванне традыцый і культуры двух братэрскіх народаў. Ініцыятары - Моладзевая палата Беларусі і Расіі, а падтрымаць іх і павіншаваць са святам прыйшлі вядомыя палітыкі і дэпутаты. Так, паводле слоў лідара КПРФ Генадзя Зюганава, наша сіла ў адзінстве, а таксама захаванні агульнай духоўнай і культурнай спадчыны.
Генадзь Зюганаў, лідар КПРФ: "Вы адзін з самых адважных народаў на планеце. На алтар перамогі з фашызмам у вас кожны трэці паклаў сваю галаву. Вы захавалі сваю вёску, захавалі лад жыцця, калектыўную працу, вы здолелі захаваць паўтары тысячы аграрных комплексаў, дзе ёсць усе віды працы і выгод. Вы захавалі лепшыя навуковыя кадры, вы захавалі сваю годнасць і не зняважылі нікога. Не ад вас бягуць, а да вас бягуць. Вы захавалі, нягледзячы на беспардонную хлусню на расійскім ТБ, магчымасць глядзець усе каналы. Дай Бог, каб і мы бралі вас за прыклад".
