Без трапічнага клімату і цяпліц. У Гомелі зацвіў банан. Экзатычную расліну вырасцілі ў тэхнічным універсітэце імя Сухога. Цвісці банан пачаў зусім нядаўна, з цэнтра лісця з'явіўся вялікі бутон бурага колеру. Працэс можа доўжыцца цэлы год, пры гэтым верхнія плады спеюць, а ніжнія застаюцца зялёнымі.
Наталля Яфанава, начальнік аддзела цэнтра інфармацыйных тэхналогій Гомельскага дзяржаўнага тэхнічнага ўніверсітэта імя Сухога:
"Прыкладна 5 гадоў назад нашаму калегу падарылі маленькі расточак банана. Усім аддзелам палівалі, угнойвалі, клапаціліся. У нас усе любяць у аддзеле кветкі, таму, напэўна, такія ўмовы, што ўсё ў нас тут расце так".
Акрамя экзатычнага банана, у кабінеце ўніверсітэта - больш за дзясятак раслін. Супрацоўнікі вырошчваюць рэдкія расліны і надаюць ім розныя формы.
