Дзень Незалежнасці - у літаральным сэнсе народнае свята. Па ўсёй краіне разгарнуліся канцэртныя пляцоўкі, фестывалі, гарады майстроў і многае іншае.
У Гомелі ўрачыстасці адкрые шэсце з удзелам ветэранаў вайны і працы, кіраўніцтва рэгіёна і гараджан. Наперадзе святочнай калоны пранясуць 22 гербы - Гомельскай вобласці, Гомеля і ўсіх раённых цэнтраў. Да братэрскай магілы савецкіх воінаў і падпольшчыкаў ускладуць кветкі. Свята працягне забаўная праграма - фестываль беларускай моды, свята вышыванкі, гастранамічныя конкурсы. Паказальныя выступленні па хуткасным манеўраванні і выставу спецыялізаванай тэхнікі прадставяць супрацоўнікі ДАІ. А на набярэжнай рэкі Сож размесціцца горад майстроў.
