У Гомелі адбыўся перадкастынг X-Factor

28 Сакавіка 2020
Напярэдадні ў Гомелі завяршыўся папярэдні кастынг праекта X-Factor. Журы, у складзе якога тэлепрадзюсары, вядучыя, спявачка, актрыса, ацэньвала кандыдатаў у абласным грамадска-культурным цэнтры.
 

Журы ацаніла 250 кандыдатаў


За два дні свае таленты прадэманстравалі 250 кандыдатаў - і гэта пакуль рэкорд сярод усіх праслухоўванняў. Наперадзе ў каманды праекта яшчэ 7 гарадоў. Наступны перадкастынг адбудзецца ў Віцебску. Ахвотнікаў прагучаць у нацыянальным эфіры запрашаюць 4 і 5 красавіка ў Цэнтр культуры. 

Прэм'ера X-Factor адбудзецца ў верасні ў эфіры тэлеканала "Беларусь 1". Запланавана 17 выпускаў праекта. Пераможцу вакальнага талент-шоу гледачы вызначаць напярэдадні Новага года.