Чыгунны збан з грашыма падняў коўш экскаватара ў самым цэнтры горада - побач з будынкам падатковай інспекцыі. 300 манет - польскіх, расійскіх і амерыканскіх - перададзеныя працаўнікам музея. Ужо ўстаноўлена, што самая старажытная манета адчаканеная дзвесце гадоў назад.
Марына Раманоўская ведае далейшы лёс скарбу. Сяргей Мартыновіч, здаецца, нават з заплюшчанымі вачамі можа сапраўды паказаць месца, дзе знайшоў скарбы. Чыгунны збан з грашыма машыніст экскаватара заўважыў падчас земляных прац. Разам з пяском з каўша пасыпаліся манеты.
299 нікелевых і сярэбраных манет. Менавіта столькі высыпалася з чыгуна. І ўжо падчас здымак гэтага рэпартажу Сяргей Мартыновіч знайшоў яшчэ адну - трохсотую. Яна ляжала ў зямлі за некалькі метраў ад траншэі.
Скарб знайшлі ў цэнтры горада. Ён захоўваўся на метровай глыбіні. Пад зямлёй манеты праляжалі каля васьмідзесяці гадоў. І захаваліся практычна ідэальна.
Старшы навуковы супрацоўнік Глыбоцкага гісторыка-этнаграфічнага музея Аляксандр Хайноўскі сцвярджае: шмат гадоў назад гэта была салідная сума. Грошай хапіла б на каня. Большасць знойдзеных манет - польскія. Ёсць таксама расійскія і амерыканскія грошы. Самая старажытная манета была адчаканена два стагоддзі назад.
Каштоўная знаходка - самая абмяркоўваемая тэма ў райцэнтры. Журналісты мясцовай газеты жартуюць: міма сенсацыі праходзілі кожны дзень. Рэдакцыя знаходзіцца ўсяго за некалькі метраў ад пляцоўкі, дзе захоўваўся скарб. Каму належалі скарбы, невядома. Шмат здагадак, і чаму менавіта гэтае месца ўладальнік выбраў для скарбу.
Гісторыкі распавядаюць: менавіта на тэрыторыі Глыбоцкага раёна яшчэ ў савецкія гады быў знойдзены адзін з найстарэйшых у Беларусі скарбаў - з арабскімі манетамі тысячагадовай даўніны. Сярод турыстаў папулярная легенда і аб скарбе Напалеона, які, не сумняваюцца глубачане, таксама захоўваецца дзесьці ў наваколлях. Лёс знойдзеных манет ужо вядомы. Яны папоўняць экспазіцыю мясцовага музея. Выставу плануюць адкрыць ужо на наступным тыдні.
Сяргей Мартыновіч гаворыць, што таксама абавязкова пабывае на экскурсіі. Падрабязна разгледзець знаходку адразу не атрымалася. Скарб адразу ж перадаў у рукі спецыялістаў. Тым часам, будаўнічыя працы ў райцэнтры працягваюцца. І на роспыты мінакоў рабочыя - ці то жартам, ці то ўсур’ёз - адказваюць, што шукаюць скарб.
