У гэтыя дні на асаблівым кантролі ДАІ - парушальнікі хуткаснага рэжыму

Акцыя накіравана на папярэджанне дарожна-транспартных здарэнняў. Толькі ў Партызанскім раёне сталіцы з пачатку года штрафы за перавышэнне хуткасці атрымалі больш за тысячу трохсот вадзіцеляў. Выяўляць ліхачоў будуць і пры дапамозе спецыяльных апаратаў фіксацыі хуткасці.

Дзмітрый Конюх, інспектар ДПС АДАІ Партызанскага РУУС г. Мінска: "Дзяржаўтаінспекцыя праверыць выкананне вадзіцелямі ПДР з дапамогай прыбораў фота- і відэафіксацыі. Вымяраць хуткасць мы будзем з дапамогай прыбора "Бінар". Ён дазваляе вымяраць хуткасць як у спадарожным, так і ў сустрэчным кірунку. Працаваць з гэтым прыборам можна як стацыянарна, так і ў руху ў патрульным аўтамабілі".

ДАІ нагадвае: аматараў высокіх хуткасцей на дарогах за парушэнне правіл чакае штраф да 15 базавых велічынь, а ў выпадку паўторнага перавышэння магчыма і пазбаўленне права на кіраванне да аднаго года.