У ЕРАМ завяршыўся другі хакатон сацыяльна значных праектаў Engineering jam

19 Мая 2019

Лічбавая трансфармацыя беларускай эканомікі. За гэтым, на першы погляд, завуаліраваным словазлучэннем стаіць сумесная праца беларускіх IT-спецыялістаў і прадстаўнікоў дзяржорганаў і ведамстваў. 

І вось літаральна некалькі гадзін таму ў галоўным офісе кампаніі ЕРАМ завяршыўся другі хакатон сацыяльна значных праектаў Engineering jam. На працягу 2 дзён айцішнікі і менеджары беларускіх ведамстваў працавалі не толькі над ідэямі паляпшэння дзяржсэрвісаў і сайтаў, але і прапанавалі шэраг інавацыйных мабільных дадаткаў. 

Дык як, маючы пад рукой толькі смартфон, аграрыі змогуць ацэньваць рэальныя перспектывы на ўраджай? Калі жыхары таго або іншага раёна змогуць уплываць на рашэнні мясцовай вертыкалі ўлады праз мабільны дадатак у тэлефоне? І чаму дагэтуль не працуе чат-бот, які праінфармуе пра "ліст шчасця" за перавышэнне хуткасці. 

Аб дзяржаўна-прыватным партнёрстве, як правіла, эфектыўным, накіраваным на лічбавізацыю беларускай эканомікі, распавядзе Аляксандр Харавец. 

Ідэя, якая нарадзілася ў небе над Італіяй і ўвасобілася ў жыццё на беларускай зямлі. Так Павел Лібер распавядае пра новы мабільны дадатак для айчыннага авіяперавозчыка. 

Паводле слоў менеджараў Белавія, спецыялісты ЕРАМ самі выйшлі з такой ідэяй на авіяперавозчыка.

Прычым за распрацоўку дадатку айцішнікі ўзяліся на добраахвотных пачатках і абсалютна бясплатна яшчэ летась. А ўжо сёння, гаворачы лічбавай мовай, дадатак дапілоўваюць, каб у хуткім часе прапанаваць беларусам.

Каб увасобіць мару бёрдвотчараў у жыццё,  Дзянісу Каргіну прыйшлося не адзін месяц вывучаць птушак, якія гняздуюцца ў нашай краіне. Малады дызайнер сёння з усмешкай канстатуе, што аб птушак можа распавесці не менш чым арнітолагі. 

У сваю чаргу бёрдвотчарам  з усяго свету стане значна прасцей сачыць за перамяшчэннем птушак і ў разы паскорыць абмен інфармацыяй паміж цэнтрамі кальцавання ў розных краінах, што дасць магчымасць ужо навукоўцам больш дэталёва вывучаць жыццё птушыных падарожнікаў. 

Але гэта ўжо наступны крок. А пакуль у чэрвені ў Play Market мабільны дадатак па трэкінгу птушак з'явіцца на трох мовах - беларускай, рускай і англійскай.

Менавіта ў гэтым будынку, пабудаваным не тое каб па апошнім піску моды, а ў адпаведнасці з усімі сучаснымі тэхналогіямі энергазберажэння, і нараджаюцца ідэі, якія затым трансфармуюцца ў IT-прадукты коштам у мільёны долараў. Зрэшты, як самі гавораць беларускія айцішнікі, далёка не ўсё вымяраецца грашыма. Сёння праграмісты ЕРАМ прапануюць нашым дзяржорганам сумесна лічбавізаваць айчынную эканоміку, каб з кожным новым днём жыццё простых беларусаў станавілася больш камфортным і простым. 

Сёння праграмісты самі часта выступаюць ініцыятарамі глабальнай лічбавізацыі айчынных інтэрнэт-пляцовак. І робяць гэта айцішнікі ў вольны ад асноўнай працы час і на добраахвотных пачатках. Вось і  гэтым разам ENGINEERING JAM сабраў больш за  150 удзельнікаў. І нягледзячы на выхадныя, праца ў галаўным офісе кампаніі ЕРАМ была па-сапраўднаму гарачай.

Як і  гэтымі днямі на сельгасугоддзях. Сёння аграрыі аб'ядноўваюцца з айцішнікамі, каб атрымаць максімальны ўраджай. Па сутнасці, беларускі аграсектар валодае вялізным гандыкапам як сучаснай тэхнікі, так і высокакваліфікаваных спецыялістаў. А дзякуючы лічбавізацыі аграрыі разлічваюць знізіць выдаткі на апрацоўку глебы, павялічыць прадукцыйнасць працы і як вынік  павысіць дабрабыт людзей, якія працуюць на зямлі.

За суседнім сталом удзельнікі джэма абмяркоўваюць стварэнне праграмы для камунікацыі жыхароў таго або іншага раёна горада з мясцовай адміністрацыяй. Тым самым распрацоўшчыкі хочуць рэалізаваць дадатак, які дапаможа беларусам актыўна ўдзельнічаць у жыцці свайго мікрараёна або двара і выносіць прапановы на грамадскія абмеркаванні.

Адзіны электронны праязны, мабільны памочнік для праходжання мытні, экалагічная карта горада, а яшчэ інтэграцыя прылад у "разумны дом". З больш як 20 ідэй усяго за два дні ўдзельнікі джэма зрабілі прататыпы будучых дадаткаў да кожнай задумкі. 

І ўсё ж не заўсёды дзяржорганы гатовыя на 100 % прымаць IT-прадукты і ўкараняць іх у паўсядзённае жыццё. Як, напрыклад, чат-бот, які інфармуе беларусаў аб "лістах шчасця" за перавышэнне хуткасці. Раз на суткі сістэма можа правяраць наяўнасць штрафаў у базе ДАІ, калі яны ёсць, прысылаць апавяшчэнне карыстальнікам. Акрамя таго, раз на тыдзень бот можа нагадваць аб неаплачаных штрафах. 

Аднак у праваахоўным ведамстве лічаць, што ўнясенне звестак з тэхпашпарта аўтаўладальніка ў чат-бот можа справакаваць уцечку інфармацыі аб карыстальніках. У той жа час на сайце МУС пры рэгістрацыі ў асабістым кабінеце можна  гэтак жа атрымліваць звесткі аб "лістах шчасця".

Айцішнікі ў сваю чаргу пераконваюць, што пры рэгістрацыі ў чат-боце асабістая інфармацыя аб грамадзянах не выкарыстоўваецца. 

Распрацоўшчыкі ўпэўненыя, рана або позна і гэтая сістэма прыйдзе ў паўсядзённае жыццё аўтаўладальнікаў. Бо ў свеце, які пастаянна глабалізуецца, лічбавыя тэхналогіі закліканы рабіць жыццё звычайнага чалавека больш камфортным. Так што сёння і беларускія дзяржорганы, і айцішнікі вымушаны не проста разам крочыць у нагу з часам, але і смела забягаць наперад, тым самым апярэджваючы канкурэнтаў. 


Папулярныя

Рэкамендуемыя

Зараз чытаюць

Рэкамендуемыя