У дзвюх мінскіх клініках адкрыюць новыя аддзяленні хуткай дапамогі

У дзвюх мінскіх бальніцах - шостай і дзясятай - адкрыюць новыя аддзяленні хуткай дапамогі  для кароткатэрміновага знаходжання пацыентаў. Ужо больш за паўгода аналагічнае аддзяленне паспяхова працуе ў бальніцы хуткай меддапамогі. Туды накіроўваюць пацыентаў, якім неабходна больш дакладная дыягностыка для пастаноўкі дыягназу, якую нельга зрабіць за некалькі гадзін. У аддзяленні пацыент можа правесці да трох сутак. Пакуль гэта першы падобны прыклад у нашай краіне. Перад адкрыццём аддзялення медыкі вывучылі вопыт вядучых еўрапейскіх стацыянараў.

У новым аддзяленні кароткатэрміновага знаходжання ў бальніцы хуткай дапамогі ўжо абследавана больш за паўтары тысячы пацыентаў. Туды трапляюць людзі з захворваннямі сэрца, інсультамі, вострымі болямі. Урачы могуць не толькі аператыўна правесці абследаванне, але і пры неабходнасці шпіталізаваць пацыента ў профільнае аддзяленне бальніцы.