Сёння ў дзіцячым лагеры Купалінка пад Радашковічамі маладзёжная місія Чыстае сэрца сумесна з супрацоўнікамі міліцыі арганізавала свята для адпачывальнікаў. Паказальныя выступленні па зборцы зброі, рукапашным баі і спартыўныя конкурсы.
За святам паназірала і Ксенія Рабчынская. Гэта не ваенная падрыхтоўка, як здаецца на першы погляд, а дзіцячы лагер каля Радашковіч. Спецназаўцы дэманструюць дзецям цуды моцы і вынослівасці. Спартыўнае свята арганізавалі спецыяльна для самых маленькіх і для тых, каго называюць цяжкімі падлеткамі - стартам сталі спаборніцтвы паміж трыма камандамі.
А на гэтай пляцоўцы - прыёмы абароны, захват праціўніка і своеасаблівая вогненная феерыя. І гэта, вядома, далёка не ўсё, што могуць тыя, каго называюць атрадам спецыяльнага прызначэння. Яшчэ больш цікава, як высветлілася, асабліва для хлопцаў - паглядзець зблізку на сапраўдны аўтамат. Тут не толькі зброя, як у Сталкеры, але і GTA - апынуцца за рулём міліцэйскай Стралы падлеткам раней даводзілася толькі за камп'ютарам. Больш за паўтысячу хлопчыкаў і дзяўчынак сваю мару сёння здзейснілі. А вось дарослыя ў гэтых гульнях бачаць нешта большае.
Магчыма, хтосьці з гэтых хлопцаў сёння вырашыў стаць абаронцам Радзімы. Тады ўжо праз некалькі гадоў з героя віртуальнага ён ператварыцца ў сапраўднага.
