У Дзень закаханых "J:Морс" дасць канцэрт у суправаджэнні аркестра Белтэлерадыёкампаніі
14 февраля 2020
Сёння для некалькіх тысяч закаханых меламанаў прагучаць хіты адной з самых папулярных рок-груп краіны - у новай сімфанічнай апрацоўцы. "J:Морс" дасць традыцыйны двухгадзінны канцэрт у суправаджэнні аркестра Белтэлерадыёкампаніі. Спецыяльна для "рок-сімфоніі" тандэму за тры месяцы "асвяжылі" 19 аранжыровак і партытур. Рэпетыцыі праходзілі ў Доме радыё, на Чырвонай, 4. Большая частка песень добра вядомая беларусам, трэкі займаюць першыя месцы ў хіт-парадах на FM-хвалях. Прэзентуюць і навінкі з альбома, яго прэм'ера пройдзе ў сакавіку.