У дзень 7-годдзя стварэння Следчага камітэта маладыя супрацоўнікі ведамства прынялі прысягу

12 Верасня 2018

Урачыстасць праходзіла на тэрыторыі галоўнага ўпраўлення. Больш за 60 праваахоўнікаў з усіх рэгіёнаў краіны далі клятву служыць на карысць Радзімы і беларускага народа. На цырымоніі прысутнічалі як дзеючыя супрацоўнікі камітэта, так і ветэраны ведамства. Быў прысвоены шэраг званняў, уручаны медалі і дзяржузнагароды. Павіншаваў маладых спецыялістаў кіраўнік ведамства Іван Наскевіч. Ён падкрэсліў, што прэстыж прафесіі з кожным годам толькі расце.

СК Беларусі, як адзначыў кіраўнік ведамства, з'яўляецца прыкладам для калег з-за мяжы, паколькі дасудовая вытворчасць практычна па ўсіх крымінальных справах знаходзіцца ў падначаленні адной структуры. З наступнага года будзе вырашацца пытанне наконт стварэння ўласнай навучальнай установы.