Дарэчы, у Чэрвеньскай школе - даўнія традыцыі і выяўленчага мастацтва. Надзея Сербіненка пабывала на занятках і пазнаёмілася з юнымі талентамі.
Адраджэнне традыцый
На занятках у Чэрвеньскай школе мастацтва фартэпіяна гучыць па-асабліваму. Тут на сценах вісяць партрэты кампазітараў - ураджэнцаў Мінскай вобласці і нават суседніх раёнаў, а ў партытуры вучняў часта можна ўбачыць творы "славянскага Шуберта", стваральніка першай беларускай і польскай нацыянальнай оперы.
У Чэрвеньскай дзіцячай школе мастацтваў часта гучыць музыка знакамітага ўраджэнца гэтых краёў, кампазітара Станіслава Манюшкі. Ён аўтар опер, мініяцюр і лакальных цыклаў. І творы Манюшкі навучэнцы добра ведаюць.
Такі падыход да навучання - невыпадковы. Мясцовым жыхарам ёсць кім ганарыцца, і выкладчыкі, якія самі выраслі на музыцы беларуска-польскага класіка, перадаюць любоў да меладычных твораў Манюшкі сваім выхаванцам.
Мастакi Парыжскай школы - знакамітыя ўраджэнцы Чэрвеньскага раёна
Чэрвеньскі раён вядомы на ўвесь свет яшчэ і дзякуючы сваім ўраджэнцам - мастакам Парыжскай школы Хаіму Суціну і Шрагу Царфіну. Музей, у якім выстаўлены работы вялікіх майстроў, знаходзіцца ўсяго за 30 кіламетраў ад мастацкай школы. Таму ў Чэрвені нават шасцігадовыя мастакі-пачаткоўцы ведаюць імёны сваіх землякоў і ўжо могуць адрозніць імпрэсіянізм ад рэалізму.
Новыя падыходы да творчых дзяцей
З маленькімі мастакамі працуюць і маладыя педагогі - сярод іх і Кірыл Манулік. Выпускнік Маладзечанскага каледжа імя Агінскага і малады мастак знайшоў падыход да творчых дзяцей.
Зараз ў мастацкай школе 340 вучняў. З іх 150 - на музычным аддзяленні. І бацькі з задавальненнем аддаюць сваіх дзяцей займацца творчасцю. Бачыць і чуць вакол сябе прыгажосць - гэтую асаблівасць школьнікі набываюць тут.