У сумесных манеўрах прынялі ўдзел каля дзвюх тысяч вайскоўцаў падраздзяленняў разведкі краін - удзельніц АДКБ, а таксама ўпершыню былі задзейнічаныя супрацоўнікі МУС і МНС. Маштабныя баявыя дзеянні разгарнуліся на чатырох беларускіх палігонах. З баявых палёў - сюжэт Аляксандра Камовіча.
Па задуме вучэння, на працягу чатырох дзён разведвальныя групы здабывалі звесткі аб незаконных узброеных фарміраваннях. Штурм горада, гэта, па-сутнасці, фінал манеўраў. Баевікі аселі ў дамах, каб выбіць іх адтуль, да справы далучаецца беларускі дэсант.
У вучэнні пошук прынялі ўдзел самыя перадавыя падраздзяленні ўзброеных сіл розных краін, таму і задачы перад імі ставіліся самыя адказныя. Што характэрна, сёлета ў манеўрах паўдзельнічалі падраздзяленні і іншых сілавых ведамстваў Беларусі - Унутраных войскаў МУС, а таксама ратавальнікі. Да прыкладу, неабходна было правесці так званую дэтаксікацыю раёна, які тэрарысты атруцілі ядам.
Амаль дзве тысячы вайскоўцаў і звыш 250 адзінак тэхнікі з шасці краін. Паводле слоў ваеннага кіраўніцтва, любое вучэнне, трэніроўка, выкарыстанне тэхнікі - гэта жыццёвая неабходнасць для ўзброеных сіл. А наладзіць суладную працу дапамагае агульная гісторыя і адзіная мова.
Адзначым, што этап "Пошук-2019" праводзіўся на чатырох палігонах Беларусі ў рамках сумеснага аператыўна-стратэгічнага вучэння "Баявое брацтва". Паралельна ў Расіі завяршылася вучэнне "Узаемадзеянне". А завяршыцца цыкл манеўраў этапам "Непарушнае брацтва" з удзелам міратворчага кантынгенту краін АДКБ.
У Брэсцкай вобласці завяршылася ваеннае вучэнне "Пошук-2019"
18 октября 2019