У Брэсце на вуліцы Васняцова з'явіўся дзіцячы квартал. Гэта 5 дамоў сямейнага тыпу, у якіх зараз жывуць і выхоўваюцца 29 хлопчыкаў і дзяўчатак. Большасць з іх - сацыяльныя сіроты. Уладкаванне пятага катэджа завяршылася нядаўна. Навасельцамі сталі бацькі-выхавальнікі Андрэй і Юлія Гуляевы. У іх ёсць вопыт выхавання дзяцей, у тым ліку, якія аказаліся без апекі родных. Павіншаваць навасельцаў прыйшлі гарадскія ўлады і суседзі.
Будаўніцтва дзіцячых дамоў сямейнага тыпу ў Брэсце працягнецца. Шосты па ліку катэдж з'явіцца на вуліцы Высокаўскай.
