Аляксандр Дрозд, галоўны ўрач Барысаўскай цэнтральнай раённай бальніцы: "На 4 паверсе гэтага корпуса будзе размяшчацца новае фізіятэрапеўтычнае аддзяленне з галакамерай, яно будзе аказваць медыцынскую дапамогу па ўсіх кірунках для дзяцей. Магчыма, гэтыя рэсурсы будуць выкарыстоўваць і для дарослых, з раздзяленнем патокаў".
Рэканструкцыя Барысава выходзіць на фінальны этап
У самім Барысаве працягваецца маштабная рэканструкцыя. Амаль поўнасцю гатовы новы аўтамабільны і пешаходны мост праз Бярэзіну. Прыкметна змянілася і адна з галоўных транзітных артэрый - вуліца Гагарына. Яна ўся стане шасціпалоснай. На адным з участкаў пабудавалі першы ў Барысаве падземны пешаходны пераход. Дарэчы, у яго афармленні прадугледзелі крэатыўныя элементы: вялікія выявы гістарычных і сучасных відаў горада. Працягваецца і добраўпарадкаванне самой Вуліцы Гагарына.Арсен Саркісян, галоўны інжынер УКБ Барысаўскага раёна: "З'явіліся веладарожкі, пешаходныя тратуары, скверы ўздоўж вуліцы Гагарына. З'яўляюцца аўтобусныя павільёны з інтэрактыўнымі маніторамі, дзе будзе размяшчацца ўся інфармацыя аб руху транспарту".
Для паляпшэння руху транспарту праз вуліцу Гагарына ўзвялі і новы пуцеправод. У цэлым да канца гэтага года Барысаў чакае абнаўленне.