У Барысаве прайшла канферэнцыя педагагічных працаўнікоў Мінскай вобласці

17 Жніўня 2013
Тут прапанавалі больш за паўсотню інавацыйных праектаў - і плашчы-трансформеры, і ветраэлектрастанцыі. За дасягненне высокіх паказчыкаў у развіцці адукацыі ў Палацы культуры Барысава губернатар вобласці асабіста ўзнагародзіў лепшых настаўнікаў рэгіёну.

Падрабязнасці - у рэпартажы Улады Карніцкай.

За дасягненне высокіх паказчыкаў у развіцці адукацыі. У Палацы культуры Барысава ўзнагароджваюць маладых спецыялістаў і ветэранаў педагагічнай працы. На сцэне - дзясяткі лепшых настаўнікаў Мінскага рэгіёну.

Губернатар цэнтральнага рэгіёну асабіста дорыць граматы і кветкі дзясяткам лепшых настаўнікаў Мінскай вобласці.

Мінская вобласць - адна з самых перспектыўных інавацыйных пляцовак краіны, гэта падкрэсліў і міністр адукацыі Сяргей Маскевіч, пагутарыўшы з калегамі - выкладчыкамі на канферэнцыі педагагічных працаўнікоў цэнтральнага рэгіёну. Міністр адзначыў, што дзякуючы такім вынаходнікам і ствараецца інавацыйны пояс вакол сталіцы.

Сёлета на педагагічны форум прыехалі сотні настаўнікаў і іх вучняў з усяго Мінскага рэгіёну. Галоўная мэта - абмен вопытам. А значыць, з часам - і ўдасканаленне сістэмы адукацыі кожны ў сваёй школе або вучылішчы. Барыс Батура вылучыў тры галоўныя патрабаванні да настаўніцкага складу: хуткасць, гнуткасць і творчасць. Бо вырашыць задачы мадэрнізацыі, інфарматызацыі і развіцця чалавечага патэнцыялу краіны можна толькі пры наяўнасці сучаснай якаснай адукацыі.

Барыс Батура, старшыня Мінскага выканаўчага камітэта: Па леташніх выніках па заваяванні прызавых месцаў на розных алімпіядах Мінскі рэгіён наперадзе. Таму патэнцыял, вядома ж, вялікі. І вы бачылі, што на гэтай выставе паказаныя выдатныя працы. У нас пераможцы ёсць тут рэспубліканскіх конкурсаў, і нават былі адзначаныя на міжнародных конкурсах. Таму я лічу, што сістэма адукацыі Мінскай вобласці рухаецца ў правільным кірунку.

Амаль 80% устаноў адукацыі Мінскага рэгіёну сёння карыстаюцца медыятэкамі, амаль усе падключаныя да сеткі Інтэрнэт, маюць сайты сваіх школ.

Больш падрабязна аб распрацоўках беларускіх навукоўцаў глядзіце ў праграме Навіны. Цэнтральны рэгіён.