Адразу дзве новыя спецыяльнасці ў галіне PR могуць з'явіцца ў адзіным кваліфікацыйным даведніку пасад беларускіх службоўцаў. З ініцыятывай унясення ў спіс новых спецыяльнасцяў, а менавіта спецыяліста па сувязях з грамадскасцю і спецыяліста па рэкламных камунікацыях, выступаюць кіраўнікі навучальных падраздзяленняў інстытута журналістыкі галоўнай ВНУ краіны. Гэта робіцца для таго, каб забяспечыць выпускнікам кафедры тэхналогій камунікацыі неабходныя ўмовы для далейшай працы па выбранай спецыяльнасці.
Сёння спецыялістаў па сувязях з грамадскасцю рыхтуюць усяго ў двух універсітэтах краіны: гэта БДУ і Гродзенскі імя Янкі Купалы.
