У Бярозаўскім раёне ў самым разгары "Спораўскія сенакосы"

Ужо прайшлі адборачныя этапы спаборніцтваў па ручным кашэнні. Былі заяўленыя 26 дуэтаў, і большасць з іх сямейныя. Жанчыны побач з мужчынамі ўпэўнена праходзілі 100-метровую дыстанцыю на балоце. Гэтымі хвілінамі фіналісты змагаюцца за званне лепшага касца краіны. Важна прайсці дыстанцыю не толькі хутка, але і якасна. Суддзі ацэньваюць шырыню пракоса і вышыню астаткаў. 

Акрамя гэтага, арганізатары паводле традыцыі праводзяць яшчэ і чэмпіянат па балотным футболе. З-за сухога надвор'я на пляцоўку прыйшлося выліць 20 тон вады. А для асабліва адважных ёсць магчымасць палятаць на дэльтаплане. “Спораўскія сенажаці” ў аднайменным заказніку праходзіць ужо 13-ты раз.