У Белтэлерадыёкампанію паступіла перасоўная тэлестанцыя "Еўфрасіння"

19 Снежня 2018

Новыя магчымасці беларускага HD-вяшчання! Спецыяльна да ІІ Еўрапейскіх гульняў Белтэлерадыёкампанія праводзіць апгрэйд тэхнічных магчымасцяў.

Сёння ў медыяхолдынг паступіла першая перасоўная тэлестанцыя - больш функцыянальная і сучасная памочніца нашай "Александрыне". Навінка таксама носіць гучнае славянскае імя "Ефрасіння". Тэлебачанне на колах збіралі нешматлікім больш за паўгода ў Германіі паводле індывідуальных эскізаў - уручную. Усяго ж найбуйнейшы вяшчальнік Беларусі закупіў 4 ПТС. У кожнай тэлеплатформе - тэхнічнае начынне ў 20 тон ад перадавых сусветных вытворцаў. 14 стандартных, 2 слоўмоўшн, 2 радыё- і 2 міні- так званыя beauty shot camera’s, з функцыямі, якіх раней не бачылі беларускія гледачы. У начынні нашых перасоўных апаратных апрабаваная эксперыментальная тэхналогія - інтэлектуальная сістэма кіравання.

Тобіяс Андэль, кіраўнік аддзела праектавання сістэм электразабеспячэння кампаніі BROAD CAST SOLUTIONS (Германія): "Белтэлерадыёкампанія з самага пачатку была часткай праекта. Спецыялісты прымалі актыўны ўдзел у распрацоўцы схем, тэсціравалі магчымасці ПТС яшчэ на стадыі зборкі, таму ствараць гэтую машыну было даволі лёгка, дзякуючы такому супрацоўніцтву".

Астатнія сёстры-ПТС - таксама з імёнамі нашых выдатных асоб - жанчын, якія пакінулі след у нацыянальнай гісторыі - "Яніна", "Рагнеда" і "Паўліна". У найбліжэйшы час прыбудзе і другі камплект машын. Зараз тэлебачанне на колах знаходзіцца на мяжы і на працягу тыдня апынецца на паркінгу Белтэлерадыёкампаніі.