У Беларусі плануецца ахоўваць ахвяры хатняга гвалту ад агрэсара без звароту ў дзяржорганы саміх пацярпелых. Сёння трэць пацярпелых жанчын замоўчваюць падобныя факты. Вялікая частка выпадкаў гвалту напроста звязаная з ужываннем спіртных напояў. Сёння за круглым сталом у грамадскай арганізацыі "Белая Русь" абмеркавалі канцэпцыю законапраекта "Аб папярэджанні гвалту ў сям'і", які ўжо ўвосень павінен адправіцца на ўзгадненне Прэзідэнту. У МУС заяўляюць, што для прыняцця мер неабавязковай будзе заява ахвяры.
Валянціна Курсевіч, намеснік старшыні Пастаяннай камісіі Палаты прадстаўнікоў Нацыянальнага сходу Беларусі: "32% жанчын, якія падвергнуліся хатняму гвалту, аддаюць перавагу гэта не выносіць, як гаворыцца, сварак з хаты, лічаць, што гэта асабістае права кожнага вырашаць свае праблемы ў сям'і, не выносячы за межы".
Таксама плануецца, што пракурор зможа без згоды пацярпелай выкарыстоўваць меры працэсуальнага характару ў дачыненні вінаватага, калі будзе ўстаноўлена, што для ахвяры маецца пагроза для жыцця і здароўя. Падчас дыскусій удзельнікі выпрацуюць прапановы ў тэкст канцэпцыі закону "Аб папярэджанні гвалту ў сям'і". Атрыманы матэрыял будзе абагульнены і накіраваны ў Адміністрацыю Прэзідэнта і распрацоўшчыкам канцэпцыі.
