Зараз за адсутнасць дакумента аб тэхнічным стане машыны прыйдзецца заплаціць ад 150 да паўмільёна рублёў. Тыя, хто пападзецца двойчы, заплацяць амаль 800 тысяч. Змены закранулі і камеры фотафіксацыі. За перавышэнне на 10 кіламетраў за гадзіну трэба будзе аддаць 75 тысяч рублёў, за 30 - 600.
Варта задумацца і аматарам дрыфту навыперадкі з ДАІ. Тыя, хто прымусіць дарожную міліцыю пусціцца ў пагоню, рызыкуюць не толькі заплаціць за экстрэмальнае задавальненне 3 мільёны рублёў, але і пазбавіцца праў на 2 гады.