Перамагчы хваробу да яе з'яўлення. У Беларусі стартуе пілотны праект па скрынінгу онказахворванняў. Гэта праграма ўжо дапамагла сотням беларусаў пазбавіцца ад страшнага дыягназу. Аб дасягненнях і планах у дыягностыцы хваробы гаварылі сёння ў Мінску сотні ўрачоў з СНД, Амерыкі і Еўропы. Спецыялісты анансавалі стварэнне Еўразійскага анкалагічнага саюза, пляцоўкай для якога стане Беларусь. Такі саюз дазволіць урачам з невялікіх краін удзельнічаць у буйных навукова-даследчых праграмах ва ўсім свеце. Аб перадавых тэхналогіях у дыягностыцы і лячэнні анкалогіі - Юлія Грызунт.
Па выгляду гэтай жанчыны цяжка сказаць, што яна прайшла дзясятак хіміятэрапій і тры разы перамагла анкалогію. За 10 гадоў Ірыне Жыхар давялося перажыць шмат чаго, нават рак трэцяй стадыі. Але нягледзячы ні на што, аперацыя прайшла паспяхова. Сёння Ірына можа займацца сваёй любімай справай - спяваць.
Даведацца пра рак можна з дапамогай так званага скрынінгу. Гэта праграма дазваляе людзям прайсці абследаванне на выяўленне розных відаў анкалогіі ў розным узросце.
З мінулага года ў РНПЦ анкалогіі сталі праводзіць скрынінгавыя тэсты на вірус папіломы чалавека. За час праграмы ўжо абследавана 1.500 жанчын. Каля паўсотні з іх даведаліся аб хваробе да таго, як рак дасягнуў першай стадыі.
У наступным годзе беларускія ўрачы запусцяць пілотную праграму скрынінгу раку страўніка і лёгкіх. Дарэчы, вызначаюць групу рызыкі медыкі ў паліклініках па месцы жыхарства. Г.з. усім, каму неабходна абследаванне, тэлефануюць і запрашаюць на скрынінг. Трапіць у праграму можа кожны. Бясплатна па чарзе або даплаціць і прайсці абследаванне ў выбраны час.
Пра тое, як шукаць эфектыўныя крыніцы ранняга выяўлення анкалогіі, сёння ў Мінску гаварылі вядучыя спецыялісты з 26 краін. Гэта прадстаўнікі СНД, ЗША і Еўропы. Таксама на канферэнцыі абмеркавалі стварэнне Еўразійскага анкалагічнага саюза, пляцоўкай для якога стане Беларусь.
Паводле слоў спецыялістаў, такі саюз дазволіць урачам з розных краін удзельнічаць у буйных міжнародных навукова-даследчых праграмах, у тым ліку па скрынінгу. Але, як гавораць урачы, самае складанае - гэта не дыягностыка або падрыхтоўка спецыялістаў. Цяжка растлумачыць людзям з групы рызыкі, што трэба ісці да ўрача, а не чакаць пакуль з'явяцца першыя сімптомы хваробы.
Штогод у Беларусі выяўляюць да 50 тысяч выпадкаў анкалогіі, дзякуючы скрынінгу лічба штогод расце. Але дзякуючы своечасовай дыягностыцы смяротнасць ад гэтага захворвання зніжаецца. Штогод тысячы чалавек аперыруюцца на першай стадыі раку і потым назаўжды забываюць аб хваробе.
