У Беларусі імкнуцца пазбегнуць крытычнай сітуацыі па каранавірусе

"Беларускія медыкі адпрацоўваюць дзеянні  на выпадак выяўлення пацыентаў з падазрэннем на каранавірус", - паведаміў журналістам Міністр аховы здароўя Уладзімір Каранік. Каб не дапусціць крытычнай сітуацыі, праца вядзецца  на апярэджанне. У прыватнасці, наладжаны кантроль на ўсіх пунктах пропуску, гэта тычыцца  авія-  і аўтатранспарту.

Уладзімір Каранік, Міністр аховы здароўя Беларусі: "Павінна быць дакладная лагістыка. Калі пацыент з прыкметамі віруснай інфекцыі звяртаецца ў прыёмны пакой або выклікае хуткую і ў анамнезе  наведванне КНР, павінен быць праведзены ўвесь комплекс мерапрыемстваў па яго дастаўцы ў спецыялізаваную ўстанову, ізаляцыі, заборы біяматэрыяла, наступнай санапрацоўцы транспарту і месца, куды ён звярнуўся, ахоўнага адзення медперсанала, які праводзіў транспарціроўку.  Наша задача - абараніць медперсанал і насельніцтва ад распаўсюджвання гэтай інфекцыі. Трэніроўкі павысяць імавернасць таго, што ў выпадку выяўлення такога пацыента гэта не прывядзе да распаўсюджвання інфекцыі". 

Планавыя трэніроўкі, паводле слоў міністра, дазволяць выявіць усе шурпатасці і нестыкоўкі.