Новыя тэхналогіі так трывала ўвайшлі ў наша жыццё, што нават сённяшняя акцыя самога маладзёжнага аб'яднання краіны напярэдадні Дня 14 лютага прайшла ў фармаце своеасаблівых флэшмобаў. Зрэшты, Дзень святога Валянціна - гэта толькі падстава сказаць добрыя словы тым, каму ўдзячныя за працу, або нават за Перамогу - на свята запрасілі і ветэранаў Вялікай Айчыннай. Тут жа сёння вядомыя людзі Беларусі атрымалі валянцінкі, якія некалькі месяцаў прыходзілі ў паштовую скрыню акцыі "Валянцінка твайму куміру".
Падрабязнасці - у Ксеніі Рабчынскай. Самы вялікі пакет валянцінак у жыцці тэлевядучая Святлана Бароўская атрымала, як ні дзіўна, напярэдадні свята. Сёння тут, у Доме моладзі, паштоўкі ад малых і маладых людзей перадавалі адрасатам. Акцыя "Валянцінка твайму куміру" сабрала спевакоў, тэлевядучых і акцёраў, а паштоўкі прыляцелі з усёй краіны.
Тое, што ў гэтай зале, акрамя святочнага настрою, была і асаблівая энергетыка, заўважыла не толькі Святлана Бароўская. Ганаровым госцем акцыі стала кіраўнік Цэнтрвыбаркама Лідзія Ярмошына - яе валянцінка не выразаная з паперы, а выкананая кандытарамі.
У тое, што любоў можа змяніць жыццё кожнага чалавека, вераць усе без выключэння ўдзельнікі акцыі. Менавіта таму ў Саюзе моладзі вырашылі 14 лютага зрабіць яшчэ і падставай для слоў падзякі ветэранам Вялікай Айчыннай. Акрамя таго, сёння па ўсёй краіне прайшлі своеасаблівыя флэшмобы - моладзь Беларусі ўручала прахожым прама на вуліцы валянцінкі з добрымі пажаданнямі.
Андрэй Белякоў, першы сакратар ЦК ГА "БРСМ": "Сказаць добрае слова свайму блізкаму чалавеку, зрабіць добрую справу - гэта вельмі важна. І з такіх добрых спраў складаецца адна вялікая добрая справа на карысць сваёй Радзімы. Бо любоў - гэта не толькі любоў да блізкага, але гэта яшчэ і любоў да сваёй прафесіі, да навучальнай установы, дзе ты вучышся, да сваёй справы, да свайго настаўніка, куміра".
Тут жа прайшоў конкурс малюнкаў і фатаграфій. І, вядома, святочны канцэрт ад зорак беларускай эстрады. Свае музычныя валянцінкі гасцям падарыла Іна Афанасьева, Ганна Шаркунова, Жанет, Анастасія Ціхановіч, група "Байсіці" і многія іншыя. Але галоўным падарункам стаў 40-кілаграмовы торт у форме сэрца.
Тут жа сёння пачала працу пошта Святога Валянціна, але ўжо ў новым фармаце. Кожны, хто прыйшоў на свята, атрымаў вось такую валянцінку, тут можна напісаць свае пажаданні і пакінуць вось на гэтым стэндзе. А ў любві, як высветлілася, можна прызнавацца не толькі родным і блізкім, але і цэлай краіне.
А для таго, каб любоў не засталася проста прыгожым словам, у Саюзе моладзі ўжо прыдумалі некалькі абсалютна новых акцый, якія ў будучыні будуць карысныя, без перабольшання, усёй краіне. Гэта новы этап нашумелага праекта "100 ідэй для Беларусі" плюс "100 ідэй для СНД" - ужо ў міжнародным фармаце. Ну і, вядома, маштабная акцыя да 70-годдзя вызвалення краіны "Кветкі Вялікай Перамогі". Але нават гэта, гавораць у Саюзе моладзі, далёка не ўсе прыемныя сюрпрызы на 2015 год, праўда, раскрываць сакрэты новых акцый тут пакуль не спяшаюцца.
