У Беларусі з лютага вырастуць дапамогі на дзяцей да 3 гадоў

Дапамогі па даглядзе за дзіцем ва ўзросце да 3 гадоў вырастуць у Беларусі з 1 лютага. Гэта звязана з тым, што іх пералічваюць два разы на год - у лютым і ў жніўні. Адпаведна, новыя памеры дапамогі будуць дзейнічаць да 31 ліпеня ўключна.
Так, памер дапамогі складзе на першае дзіця 405 рублёў 48 капеек, на другое і наступных дзяцей - 463 рублі 40 капеек, на дзіця-інваліда ва ўзросце да 3 гадоў - 521 рубель 33 капейкі. Дадаткова з лютага павінны перагледзець памер аднаразовых выплат у сувязі з нараджэннем дзіцяці.