Навінкі для здаровага харчавання прыдумалі працаўнікі аднаго з прадпрыемстваў Акадэміі навук нашай краіны. Новая вынаходка асабліва актуальна для людзей з захворваннямі сістэмы стрававання, якім у прынцыпе нельга ўжываць прадукты з утрыманнем бялку. Заказаць хлеб можна проста з беларускіх заводаў. Распрацавалі і "здаровую" макарону для дзяцей. У яе склад уваходзяць вітаміны групы В і харчовыя валокны.
Наталля Лапцёнак, намдырэктара ДП "Белтэхнахлеб": "Гэта вырабы, якія ў сваім складзе ўтрымоўваюць 2 мг глютэну на 100 грамаў прадукту, альбо не больш чым 50 мг фенілаланіну на 100 г прадукту. Мука пшанічная ў гэтых прадуктах замененая на сыравіну без утрымання глютэну. Гэта крухмал нізкага халоднага і гарачага набухання".
Акрамя таго, у пярэдадзень навагодніх святаў беларусы маглі купіць торты для пахудання. Іх энергетычная каштоўнасць на траціну менш у параўнанні са звычайнымі прысмакамі. Сакрэт - у збалансаваным дадатку бялкоў, тлушчаў і вугляводаў, узбагачаных амінакіслотамі. А замест фарбавальнікаў - мёд, садавіна і малако.
