Каб выратаваць дзіця, беларускія кардыяхірургі правялі ўнікальную аперацыю. Раней такое ўмяшанне не рабілі ні ў адной клініцы свету. Пратэзаванне трохстворкавага клапана сэрца правялі без адкрытай аперацыі. На целе хлопчыка зрабілі ўсяго чатыры невялікія праколы. Працэдуру выконвалі адзінаццаць спецыялістаў, яшчэ пяцёра кардыяхірургаў дзяжурылі побач, каб у выпадку ўскладненняў правесці адкрытую аперацыю. Але іх дапамога не спатрэбілася.
Дасягненнем беларускіх хірургаў зацікавіліся ў Еўропе і ЗША. Зараз спецыялісты РНПЦ дзіцячай хірургіі рыхтуюць публікацыю для вядучых медыцынскіх часопісаў.
У Беларусі правялі ўнікальную аперацыю на сэрцы дзіцяці
3 июня 2020