Пачатак будоўлям паклала здарэнне ў Жыткавічах. Пасля рэканструкцыі там моста цераз Прыпяць Прэзідэнт даручыў праверыць кожны мост у краіне і прыняць тэрміновыя меры па абнаўленні. Вынік вялікай экспертызы - праграма даўжынёй 5 гадоў. За гэты час рэканструююць 32 масты па ўсёй Беларусі. Як праходзіць маштабная перазагрузка - назірала Ганна Кавалёва.
Над Прыпяццю ў Мазыры знаходзіцца самы доўгі мост у краіне - 924 метры, 22 пралёты. Пабудаваны больш за паўстагоддзя таму: у 1958. 7 гадоў таму перажыў рамонт. Аднак надоўга вярнуць яго ў строй не атрымалася.
У канцы мінулага года спецыялісты прадпрыемства "БелдарНДІ" дэталёва яго абследавалі. У выніку стала ясна: бэлькі ў крытычным стане, ідзе працэс разбурэння арматуры, а гэта правакуе расколіны, прычым як звонку, так і ўнутры канструкцый.
Такі букет дэфектаў прадугледжвае абмежаванні: для машын цяжэйшых за 18 тон дарога будзе закрыта. Астатнім прыйдзецца праязджаць з хуткасцю не больш як 40 кіламетраў за гадзіну. Такія ўмовы паставяць пад пытанне працу двух аўтобусных маршрутаў. Штомесяц імі карыстаюцца прыкладна 150 тысяч людзей. Адмяняць рэйсы нельга. Таму вырашыць праблему паспрабуюць інакш.
Абмежаванні праезду пачнуць дзейнічаць 15 лютага. З гэтага дня цяжкагрузам прыйдзецца заязджаць і выязджаць з горада па суседнім мосце на трасе Р31. А пакуль рыхтуецца праектная дакументацыя і разлічваецца кошт будучай рэканструкцыі.
Тым часам прыкладна за 100 кіламетраў ад Мазыра будаўнічыя работы ідуць поўным ходам. Гэты ўчастак пад Гомелем - важная транспартная артэрыя М8 (ад мяжы Расіі да Украіны). Тут знаходзіцца яшчэ адзін мост, што трэснуў, - блізня жыткавіцкага. Праўда, лёс у яго іншы. З-за карозіі рамонт ужо не выратуе. Наперадзе поўны дэмантаж, а побач з нуля ўзвядуць новы пуцеправод.
Усяго ўзвядуць 8 апор. Замест бетонных пралётаў металічныя. Насоўваць іх будуць па спецыяльных рэйках. Дэмантаваць стары мост прыйдзецца толькі ўручную. А гэта падоўжыць тэрміны працы.
Пакуль жа ўсім аўтамабілістам яшчэ са жніўня прыходзіцца ездзіць у аб'езд праз горад. Зялёнае святло на новым мосце плануюць даць арыенціровачна ў 2021 годзе. Дарэчы, гэты праблемны пункт на карце Беларусі не адзіны. Глабальная праца па рэканструкцыі толькі пачынаецца. У найбліжэйшыя 5 гадоў спецыялісты павінны рэанімаваць больш за 30 мастоў.
