У Беларусі працягваецца мадэрнізацыя прафсаюзных арганізацый, якія ўваходзяць у Федэрацыю прафсаюзаў Беларусі.
Рашэнне аб неабходнасці аб'яднання роднасных прафсаюзаў было прынята на VII з'ездзе ФПБ летась. Гэта дазваляе больш эфектыўна вырашаць пытанні на месцах. Да таго ж гэта магчымасць наладзіць абмен прафесійнымі ведамі.
Сёлета ўжо аб'ядналіся прафсаюзы ў сферы прамысловасці, энергетыкі, транспарту і лясной гаспадаркі. Наступны крок - аб'яднанне прафсаюзаў у структурах, звязаных з Узброенымі Сіламі. Пры гэтым для членаў прафсаюзаў захаваюцца ўсе сацыяльныя гарантыі, прадугледжаныя ў калектыўных дамовах і тарыфных пагадненнях.
Прафсаюз працаўнікоў Узброеных Сіл увойдзе ў склад прафесійнага аб'яднання дзяржаўных устаноў. Гэта дазволіць аб'яднаць высілкі ў абароне працоўных правоў і інтарэсаў працаўнікоў, акрамя таго, гэта палепшыць узаемадзеянне паміж бакамі сацыяльнага дыялогу.
Варта адзначыць, што аб'яднанне прафсаюзаў па галінах - гэта сусветная практыка. У апошнія 10 гадоў падобныя працэсы праходзяць у шматлікіх краінах.