Прэпараты для лячэння анкалогіі будуць уплываць выключна на хворы орган. Над лекамі працуюць разам прамыслоўцы, медыкі і навукоўцы.
Расказвае Улада Карніцкая. Гэтым навукоўцам атрымалася выключыць у лекаў праславуты прынцып "адно лечым, другое калечым". Такая праца пачалася яшчэ 15 гадоў назад. І вось ужо сёння 12 відаў (а гэта імунамадулятары, сардэчна-сасудзістыя і супрацьзапаленчыя прэпараты) створаныя ў беларускай Акадэміі навук. Усе яны не таксічныя, спіс пабочных эфектаў у іх практычна адсутнічае і, што самае галоўнае, дзейнічаюць яны выключна на хворы орган.
Асноўныя дзеючыя рэчывы ўсіх распрацаваных у інстытуце лекаў (г.зн. субстанцыі) вырабляюць тут жа. Для гэтага ёсць усё неабходнае абсталяванне. Працуе лінія па заказе, яе вытворчая магутнасць 5 тон за год. Ужо пасля гатовая субстанцыя адпраўляецца на завод, дзе ператвараецца ў таблеткі або капсулы.
Сусветная супольнасць называе іх цудадзейнымі аблеткамі - лекамі новага пакалення. Нашы даследчыкі ўпэўніваюць, што ўсё намнога прасцей - сакрэт у амінакіслотах. Па сутнасці, гэта будаўнічы матэрыял любога чалавека і аснова для незвычайных лекаў. У гэтым інстытуце навукоўцы навучыліся іх атрымліваць па спецыяльнай тэхналогіі.
Фармакалагічная бяспека краіны сёння залежыць у першую чаргу ад такіх даследаванняў - а, па сутнасці, ад лекаў новага пакалення. Гэта разумеюць і ў Міністэрстве аховы здароўя нашай краіны. Таму яшчэ адзін праект, які пачне працаваць ужо гэтым летам, - новая вытворчасць у Бешанковічах Віцебскай вобласці. На прадпрыемстве плануецца вырабляць так званыя монакланальныя антыцелы.
Акрамя таго, у Беларусі з'явіцца яшчэ адно прадпрыемства - пад Мінскам, у Калядзічах. На ім будуць вырабляцца лекі для лячэння і прафілактыкі ВІЧ, а таксама анкалогіі. Хоць лакалізацыя гэтых двух праектаў у нашай краіне, у ім яшчэ ўдзельнічаюць і сусветныя фармацэўтычныя кампаніі.
