У краіне ўжо падтоплена звыш паўтысячы падвор'яў і пабудоў. Больш за палову – у Гомельскай вобласці. За выхадныя ўздым рэк зафіксаваны ў Петрыкаўскім, Жыткавіцкім, Рэчыцкім раёнах. У Лельчыцкім паміж дзвюма вёскамі пад вадой апынуліся 30 метраў аўтадарогі, падтоплены драўляны мост у вёску Мілашэвічы. Сур'ёзныя нязручнасці жыхарам стварае і актыўнае таянне снегу. Падтоплена 35 жылых дамоў, дзясяткі падвалаў і гаспадарчых пабудоў. Дапамогу насельніцтву ў адпампоўванні вады аказваюць прадпрыемствы жыллёва-камунальнай гаспадаркі. У МНС гавораць, што неабходнасці ў эвакуацыі людзей пакуль няма.