Сёння субота - а гэта значыць, што ў Беларусі ўжо па традыцыі працавалі прамыя тэлефонныя лініі. Схема адпрацаваная: калі з аднаго боку праблемы, якія хвалююць беларусаў, а на іншым канцы провада - кіраўнікі ўсіх узроўняў, якія могуць і павінны гэтыя праблемы вырашаць. У кожным месцы з 9 раніцы і да поўдня гучалі самыя розныя пытанні. Гэта і сфера ЖКГ, і вырашэнне кватэрных сітуацый, і шматлікія іншыя тэмы - бытавыя і не толькі… Пытанняў у людзей сапраўды хапае, а таму працу прамых ліній у некаторых выпадках нават падаўжаюць. Эфектыўнасць такой формы зносін сумненняў не выклікае, кожны выпадак вырашаюць прама на месцы альбо бяруць на кантроль.
Вуліца Працоўная ў Кобрыне ў самым цэнтры. Тут заўсёды шмат людзей і машын. За 150 метраў рынак. Высокая інтэнсіўнасць руху - прычына частых аварый. З просьбай адрэгуляваць рух жыхары вуліцы ўжо звярталіся да ДАІ і ў камунальную службу. Але толькі пасля званка ў райвыканкам неабходныя меры, здаецца, будуць прынятыя.
За 3 гадзіны працы ў Мінаблвыканкаме прынялі больш як 2 дзясяткі званкоў. Адказы на адны пытанні знайшліся адразу, самыя праблемныя з іх былі ўзятыя на кантроль.
Усю зіму жыхары дома 3 А па вуліцы Палявой у пасёлку Юбілейным мелі праблемы з цеплазабеспячэннем. Летась да іх сетак падключылі новы дом, тым самым пераразмеркаваўшы патокі цеплавой энергіі.
Старшыня дома Мікалай Кочатаў пасля, нібы, рамонтных прац у цеплавым вузле заўважыў, што трубы цеплатрасы па дыяметры паменшыліся ўдвая.
Ад імя ўсіх жыхароў дома Мікалай Кочатаў звярнуўся на прамую лінію і зараз з Мінаблвыканкама чакае камісію для абследавання.
Разам з кіраўніцтвам горада працоўная субота была і ва ўсіх адказных спецыялістаў у Горках. У шматлікіх пытаннях, якія паступілі на прамую лінію, неабходна было разабрацца дэталёва. У двары Іны Чарнамордзік асвятлення няма яшчэ з часоў пабудовы дома.
Пасля званка на прамую лінію на месца аператыўна выехаў прадстаўнік мясцовай камунальнай гаспадаркі. У двары дома 10 па вуліцы Вакзальнай асвятленне паабяцалі ўключыць.
Дзякуючы прамым лініям шматлікім чыноўнікам на месцах прыйшлося перагледзець не толькі графік працы, але і змяніць сістэму працы з людзьмі. Напрыклад, у кіраўніка Горацкага раёна нядаўна з'явілася свая паштовая скрыня.
