Прадпрыемства па вытворчасці лекавых капсул ад COVID-19 плануюць пабудаваць у індустрыяльным парку "Вялікі камень". Перспектывы беларуска-кітайскага супрацоўніцтва ў медыцыне сёння абмяркоўвалі ў Мінаблвыканкаме. Губернатар Аляксандр Турчын і дырэктар Інстытута культуры і эканомікі Цзіньтай і аўтарытэтны медык Цай Чуанцын падпісалі мемарандум аб супрацоўніцтве. Паводле планаў, на першым этапе ў цэхах новага завода будуць фасаваць гатовую прадукцыю з Кітая. На другім - перапрацоўваць і беларускія лекавыя расліны. Сам прэпарат атрымаў добрыя рэкамендацыі не толькі ў Кітаі, але і еўрапейскіх краінах. У нас ён таксама праходзіць сертыфікацыю.
Сам Кітай - адзін са стратэгічных партнёраў для Мінскай вобласці і ўсёй краіны. Ужо ў наступным сезоне мы адзначым 30-годдзе беларуска-кітайскіх дыпламатычных адносін. У Мінску адкрыецца і новы будынак пасольства КНР.
