З прафесійным святам дзеячаў сферы, работнікаў навукова-даследчых інстытутаў і вышэйшых навучальных устаноў павіншаваў Прэзідэнт. Як адзначыў Аляксандр Лукашэнка, "навука павінна служыць інтарэсам грамадства, сёння асабліва важны кірунак - навуковае суправаджэнне працэсаў мадэрнізацыі дзеючых і стварэння новых вытворчасцяў". Кіраўнік дзяржавы лічыць, што для захавання і ўмацавання айчынных навуковых школ патрэбна пастаянная праца з маладымі навукоўцамі. Адной з магчымасцяў падаць свае інавацыйныя праекты стане стартап-тур у Мінску. Яго ў сакавіку правядзе фонд "Сколкава". У сталіцу прыедуць эксперты, якія не толькі выберуць самыя перспектыўныя распрацоўкі, а таксама растлумачаць, як трэба іх прасоўваць.
