У Беларусі адзначаюць Дзень міліцыі. Тысячы людзей працуюць на бяспеку нашай краіны

У беларускіх вартавых парадку сёння прафесійнае свята. Супрацоўнікаў і ветэранаў органаў унутраных спраў з Днём міліцыі павіншаваў Прэзідэнт Аляксандр Лукашэнка. Крымінальны вышук, барацьба з аргзлачыннасцю і эканамічнымі злачынствамі, спецпадраздзяленні, аддзелы на транспарце, патрульна-паставая служба і не толькі - тысячы людзей  працуюць на бяспеку нашай краіны.

Уладзімір Каралёў пагутарыў з некаторымі супрацоўнікамі. Гэтае РУУС у сталіцы лічыцца самым складаным у краіне. Цэнтральны раён - гэта 60 % усіх забаўных устаноў, вялікая колькасць  гандлёвых цэнтраў, а таксама "Мінск-Арэна", Палац спорту і іншыя пункты, дзе збіраецца вялікая колькасць людзей. Штодня сюды, у Цэнтральнае РУУС, паступае каля 150 тэлефанаванняў ад грамадзян. 

Шумяць суседзі, аўто перашкаджае праезду, бойка на вуліцы і многае іншае. Зрэшты, у рабоце міліцыі не заўсёды бывае руціна. За некалькі гадзін зламыснік двойчы спрабаваў згвалтаваць жанчын. Невядомы падбег у пад'ездзе, прыставіў нож да горла і сказаў распранацца. Істэрыка пацярпелай спалохала налётчыка, мужчына ўцёк. А праз некалькі гадзін напаў на іншую жанчыну. 

За 12 гадоў працы Аляксей Валковіч двойчы станавіўся лепшым міліцыянерам у сваёй катэгорыі. Але гэтым мужчына выхваляцца не любіць. Гаворыць, проста выконваў свае абавязкі. На яго рахунку дзясяткі затрыманняў  забойцаў, рэцыдывістаў, гвалтаўнікоў. Бадай, самае гучнае злачынства мінулага года ў раёне - гэта абрабаванне ювелірнага магазіна "Яхант". Як удалося выйсці на зламыснікаў - таямніца праваахоўнікаў. Вядома, што фігуранты частку выкрадзенага паспелі прадаць у Расіі. Летась крымінальны вышук Цэнтральнага РУУС стаў лепшым у краіне. 

За простым для нас тэлефанаваннем у службу 102  суладная праца некалькіх ведамстваў. Часам ад правільных і аператыўных дзеянняў праваахоўнікаў залежыць лёс чалавека.