Ініцыятыва яго стварэння належыць Генеральнаму сакратару арганізацыі Пан Гі Муну. Паводле слоў пастаяннага каардынатара ААН у Беларусі, прадстаўнікі арганізацыі ў розных краінах свету зараз працуюць над стварэннем падобных саветаў, паколькі моладзь - адна з галоўных рухаючых сіл прагрэсу.
Санака Самарасінха, пастаянны каардынатар ААН у Беларусі: "ААН з'яўляецца міжурадавай арганізацыяй і вядомая тым, што заўсёды залучала ў сваю працу прадстаўнікоў моладзі. У верасні гэтага года пройдзе збор глабальных лідараў. На гэтым мерапрыемстве будуць абмеркаваныя розныя ініцыятывы, накіраваныя на актыўнае прыцягненне моладзі ў прыняцце рашэнняў. Моладзь сёння сутыкаецца з новымі выклікамі. Таму важна, каб сёння яна была актыўнейшай як на сусветнай арэне, так і ў Беларусі. Ваша моладзь поўная ідэй і энергіі. Яна натхняе. Я ўпэўнены, што менавіта ідэі і энергія моладзі стануць рухаючай сілай будучыні".
У складзе беларускага Моладзевага савета ААН будуць працаваць 13 прадстаўнікоў ва ўзросце ад 14 гадоў да 31 года, іх выбралі з 200 ахвотнікаў. У кожнага свае ідэі і ініцыятывы. Адна з мэт працы - распаўсюджваць інфармацыю пра дзейнасць ААН у Беларусі і павышаць інфармаванасць пра нашу краіну.